عشرييييين سنه :)

الدنيا مليانه احتفالات و الناس كلها فى الشارع فى المحلات معلقه زينه و كل العالم بيحتفل فى الوقت ده

طيب ماحدش عارف ليه؟؟؟؟؟؟؟؟؟؟؟

خلاص انا هاقولكم

فى هذا اليوم السعيد 1-1 الجميل المشمس ولدت و جت و نورت الدنيا

الأنسه مروة "آن الأوان"

و ده سبب احتفال الناس كلها و اكتشفت ان "ملك" يوم ميلادها 28-1 يعنى معايا فى نفس الشهر بس هى اكبر :) كل سنه و انت طيبه يا ملك وطائعه و عقبال ما اشوفك عروسه :)ان شاء الله

اما ديه بقى اول هديه توصلى من الفجريه

و ده شكلها بعد ما اكلتها

جميييله يا اسماء


وفى انتظار باقى الهدايا

اللى مش عاوز يجيب هديه يبقى يدعيلى

و بما ان كل سنه يوم ميلادى بيكون فى وسط الامتحانات فبيكون يوم ميلاد لذيييييييييذ خالص مع الكتب و الورق

بذاااكر و الله

و بتكون امتحانات سهله جداااااا

يااااااااااااااااااااااااااااااااه عشرييييييييين"20"سنه عدوا بسرعه رهيبه الواحد مش متخيل انه بقاله 20 سنه عايش فى الدنياو خلاص فى اخر سنه من سنوات التعليم فى الكليه

(ليها تدوينه كئيبه لوحدها)

يا ترى زودت حاجه

يا ترى كان لوجودى تأثير

يا ترى سبت بصمتى فى العشرين سنه اللى فاتوا

و يا ترى ربنا راضى عنى ياااااارب

و ياترى هل فى كفة الحسنات ولا السيئات " ان شاء الله الحسنات"م

يا ترى حققت اهدافى اللى كنت حطاها

هو الحال مش وحش اوى كده بس ديه كلها تساؤلات الواحد بيطرحها لنفسه عشان يستفيد من السنين اللى فاتت و يكمل المسيره

بس ان شاء الله لو عشت و كان ليه عمر لو ماكنتش سيبت بصمه هاحاول اسيب

لو ماكنتش سيبت اثر هاحاول اسيب اثر
ونفسى اختم القران ادعولىىىى بجد انى اختم السنه ديه

اما عن التدوين فا ديه اول سنه ليه هى تجربه جميله و عرفتنى على ناس جميله كثير و عرفتنى اراء كثير و استفدت كثير و عرفتنى على حاجات فى ناس كنت عارفاهم و لقيت نفسى مش عارفاهم لقيتهم اجمل و احلى و اكتشفت فيهم حاجات و ابداعات ماكنتش اعرفها

و سنه جديده

و عهد جديد مع الله

و فرصه جديده و ان شاء الله هاستغلها

و كل سنه وانا طيبه

تقبل الله منا و منكم

الكل باه يشد حيله عشان الامتحانات

و اللى ماعندوش امتحانات يشد حيله فى الدعاء للى عندهم امتحانات

حمدا لله على سلامتك

انا مش عارفه اكتب ايه بس هو كل الموضوع ان مامت اسماء ياسر الفجريه كانت بتعمل عمليه امبارح الحمد لله هى كويسه الوقتى

حمدا لله على سلامتك يا خالتو

انا حسيت ان امى هى اللى بتعمل العمليه

حمد لله على سلامتك يا امى.....ياللى بتسمعى مشاكل الناس كلها و بتحليها

حمدا لله على السلامه يا امى.....ياللى ناس كتيييييير بيحبوكى جدا و بيعتبروكى الصدر الحنون

ان مهما كتبت عنها مش هاقدر اوصلكوا هى غاليه عند الناس ازاى

لان فى الناس ماينفعش نعبر عنهم بالكلام لان اللى هما بيعملوه و فعلهم بيعبر اكثر من الكلام

شفاك الله و عافاك يا امى

ادعولها كلكوا

لييييييييييييييييييييه

السلام عليكم و رحمه الله و بركاته

مش عارفه الموضوع ده انتوا هاتعتبروه مهم و لا لأ بس انا زعلت اوى لما شوفته
كنت ماشيه فى الكليه و شفت التطورات فى الكليه من حيث التجديدات فى الجناين و المدرجات و الممرات و المكتبه الجديده اللى بقالها سنين بتتعمل و نفسى اشوفها قبل ماتخرج


المهم بعد اسبوعين كنت واقفه مع اصحابى و خدت بالى من حاجه
ايه هى
أن الجنينه بتاعت الجامعه مليانه ورق ورق ورق و كانز و أكياس بلاستيك بتاعت كافتيرا الجلاب أكياس أكياس اكياس و مناديل و كل ما تتخيلوا
ديه حاجه والحاجه التانيه
ان الكليه ربنا يكرمهم من ضمن التطورات اللى عملتها انها جابت بنجات جديده و تخيلوا بعد اسبوعين ده كان منظرها

رسومات و قلوب و مواهب مدفونه و مش عارفه مين بيحب مين ومين زعلان و حد باع حد و وحد معتز باسمه وحافره على البنج
هو ده بيوضح ان احنا عندنا فى الكليه فنانين و مواهب ههههه

طيب ليه....هو ان احنا لما ناكل ونرمى الورقه فى الزباله ده شئ صعب او لما نشرب الكانز ونرميه فى الزباله برده صعب ده حتى الكليه موفره صناديق زباله وكمان ربطاها فى عواميد النور عشان متتسرقش

و بعدين ده انا لو رميت ورقه لبانه بحس انى عملت حاجه غلط

ليه....ما نحافظش على البنجات نظيفه و نكون ناس متحضرين

على فكره ده موضوع كبير و مش صغير لان النظافه ديه عنوانا و جزء من النهضه
كان دكتور فى المحاضره حكالنا عن شركه ناسا بتاعت الاقمار الصناعيه كانوا عاوزين يطلقوا صاروخ و كان فى ناس ماشيين فى الشركه فقابلوا عامل نظافه شغال و عمال ينظف بكل قوه و نشاط فسألوه انت بتعمل كده ليه رد عليهم و قال : عشان أنا لما انظف كويس و اعمل اللى عليا ههيأ الجو و هاساعد فى اطلاق الصاروخ


فاحنا هانساعد فى اطلاق الصاروخ

فى المكان الذى تريدة ياالله

كثيراً ما نقدم على خطوة ونشعر بعدها انها ليست هى ما كنا نبغى

وكثيراً ما نستبعد اموراً لاننا نزعم انها لا توافق اهدافنا او طموحاتنا

ولكن قدراً

نجد ان تلك الامور التى كنا نستبعدها هى أكثر الامور ملائمة لنا

وهذا ماحدث لى بالفعل

كانت طموحاتى فى العمل لا تحيد عن اطار الترجمة او التدريب فى مجال الموارد البشرية

ولم اتوقع أبدا

انة سيأتى علي يوم وأصبح مدرسة

ليس تقليل من شأن المهنة بل لانها لم تكن احدى طموحاتى

قدراً سألتنى احدى الأخوات الفضليات لماذا لا اصبح مدرسة

صراحة اصابتنى الدهشة فى البداية ولكن استخرت ربى

وذهبت

يالها من أجمل ايام مرت علي

وجدت ملائكة صغيرة تلعب

ووجوة مليئة بالبراءة

شعرت عندها انها اجمل هدية ارسلها لى ربى

انتابنى شعور بالرغبة بأن اكون انا لها

اكون مربية لجيل مليئ بالهمه

جيل إيجابي

لا يخشى فى الله لومة لائم

يجاهد بكل ما يستطيع من عدة

يطمح فى بلوغ اعلى المراتب فى الدنيا والأخرة

حريص على ارضاء الله

ويعلم جيدا المعنى الحقيقى لمراقبة الله

عندها علمت قدر المنحة التى منحنى الله اياها

صراحة انا لا اعرف لماذا كتبت هذة التدوينه

ولكن أشعر انى اريد توصيل ما بداخلى

وهو اننا لا نستبعد اى امر

بل نطلب من الله عز وجل ان يستعملنا

فى المكان الذى يريد وليس فى المكان الذى نريد

وفى الوقت الذى يريد ليس فى الوقت الذى نريد

مع الحرص على تنمية قدراتنا ومهاراتنا

صور صور صور

السلام عليكم و رحمة الله و بركاته

بما انى عندى هوس بالتصوير و ان هو هوايتى الاولى

فقررت اتحفكوا ببعض الصور

و يارب تعجبكوا واطلع بعرف اصور

قم وحيداً

عندها تسعد وتشعر انك لست وحيدا

عندما تحزن وتشعر وكأن العالم امامك مبهم

وكأنك وحدك

وينتابك شعور بالوحدة

وتجد همسات تهفو بجوارك

وقلوب طاهرة بريئه تواسيك وتهون عليك

عندها تسعد وتشعر انك لست وحيد

عندما يعلو صوتك بالحق وسط ذئاب وسط ظالمين وسط اناس ليسوا بأدميين

وتشعر بالظلم وتتمنى عندها ان تصرخ ليسمع صوتك كل ظالم جبار

حقا تصرخ

ولكنك تكتشف ان صوتك محبوس

ويسيطر عليك شعور باليأس وخيبة الامل

وتجد نسمات الخير بجوارك

بسمات من نور

تريح قلبك وتهون عليك

عندها تسعد وتشعرأنك لست وحيدا

عندما تحلم ويتحول ذلك الحلم الى حقيقة

الى واقع

وتأتى عاصفه وتجعل ذالك الواقع كأن لم يكن

وتعود الى نقطه البدايه

تعود الى حلم ولكن مقرون بكلمه مستحيل

وتجد يدك مكبله

وتشعر بالمهانه فى قلبك

ويأتى طائر ابيض طائر حكيم يهمس بكلمات فى اذنك تمدك بالقوة ثم يذهب

عندها تسعد وتشعر انك لست وحيدا

عندما تنسى وتصبح الدنيا عندك لها قدر

فتذهب وتعود وتعود وتذهب

وتنسى

ويأتى حبيبك فى الله يذكرك ويعلمك ان الدنيا هينه وان الدار الأخرة دار البقاء

عندها تسعد وتشعر انك لست وحيدا

انا مش عارفة ايه الخلانى اقول الكلام ده بس بجد حاسه

ان اعظم نعمه على العبد ان يمنحه الله حبيب يبحبه

فى الله وينصحه لله ويوجهه لله

وكانت بدايتى مع بداية

أنا جايه أحكيلكوا عن تجربه ....تجربه ماكنتش متخيله انى أخوضها

ألا و هى :

انى شاركت فى برنامج تليفزيونى اسمه بدايه على قناه modern t.v
البرنامج بيقدمه أ/عصام حمدى بتكلم فيه عن أخلاق الرسول صلى الله عليه وسلم وبيجيب معاه مجموعه من الشباب مره ولدين وبنتين ومره أربعه ولاد ومره اربع بنات وكده يعنى....

أبطل رغى

و نرجع لتجربتى الفظيعه:

البدايه كانت ان صحبتى ملك( اللى بتكتب معايا فى المدونه)قالتلى على البرنامج وكانت عاوزانى اطلع فيه معاها و أنا قلتلها ده من رابع او مليون المستحيلات ان انا اطلع على التليفزيون واتكلم كمان لالالالا ده موضوع كبير و حاولت تقنعنى بشتى الطرق و انا رافضه تماما مطاقا ابدا نهائيا خالص و اتفقنا ان انا هاروح معاها واقعد بره عشان اشجعها يعنى تمثيل مشرف وخلاص على كده

وبدأ البرنامج وماشى تمام وبتابع حلقاته ...وفى يوم من الايام كنت راجعه من التراويح وبفتح البرنامج عادى لقيت صاحبتى طالعه فيه وانا بتفرج حسيت انى هاكون هناك وهشارك معاهم معرفش ليه ....

قلب المؤمن دليله

عادى جدا بتحصل

مع ان الموضوع كان بالنسبه لى منتهى بس يوميها حسيت انها هاتكلمنى وانى هوافق وبالفعل لقيت صحبتى تانى يوم بعتالى كلمنى شكرا"عشان اكلمها(مش عارفه صحاب ايه دول) المهم كلمتها لقتها بتقولى أ/عصام عاوزك تطلعى انهارده فى البرنامج و متقوليش لأ المشكله انى لقيت نفسى من عاوزه اقولها لأ مع ان الامر كان منتهى عندى قولتلها هاروح اسأل بابا و هاكلمك الكلام ده كان الساعه 3.30 و البرنامج الساعه 10 م

المهم و انا مروحه قاعده طول الطريق مبتسمه و مستغربه مش عارفه ليه وبعد ما وصلت البيت قلت لبابا لقيته بيقولى طيب ما تروحى و كلمت مستشارتى الرسميه اللى تعباها معايا الفجريه قالتلى متروحى تجربى ..المهم أدبست وجهزت نفسى و رحت

وصلنا الاستوديو و بدأت التعليمات احنا بنبص للاستاذ عصام و ماحدش يبص للكاميرا ولا يشاور بايديه و لا حركات ماتشات الكوره ديه وأول ما البرنامج يبدأ هانعرف نفسنا الاسم والكليه بسرعه
الحلقه كانت بتتكلم عن المسنين والايتام و اد ايه احنا مقصرين معاهم واهميه ان احنا نزورهم ومش بس فى رمضان لا مفروض كل واحد يخصص يوم فى الشهر او يومين و يرحلهم اد ايه هما بيبؤا محتاجين الزياره ديه مش تبرع.مهما كان كبير..لأ..زياره وابتسامه وود
ان احنا مفروض نزورهم كشكر لا يوفى نعمة ربنا سبحانه وتعالى علينا
وخلصت الحلقه على خير و بعدين رحت حلقه تانيه كانت عن الحياء وداخل فيه موضوع الحجاب

المهم انى حاولت اشارك بشيى مفيد

طيب انا استفدت ايه من القصه او التجربه دى كلها :

أولا: أنى بقيت اعلاميه كبيره و مشهوره طبعا

نتكلم بجد

اكتشفت انى ممكن اطلع فى البرنامج و اتكلم بس انا بوهم نفسى بحاجات و مش فى ديه بس ... لأ الموضوع اوسع من كده ... يعنى ربنا مدى كل واحد فينا قدرات يقدر يعمل بيها حاجات كتير بس انا احيانا بستسهل أو ممكن بستهبل

البرنامج اتمنى انه يكون اثر و غير فى اللى بيشوفوه لكن اللى حسيته انه اثر فيا شخصيا ولفت نظرى لتقصيرى فى بعض الحاجات ...زى زيارة الايتام و المسنين مثلا وحاجات تانيه كثير

المشكله اللى حاستها فى البرنامج هى التحضير و النظام لان البرنامج يومى ومباشر و مكانش متخططله بشكل تام

بس بشكل عام كانت تجربه مفيده و جديده بالنسبه لى ...

و كانت بدايتى مع بدايه

من الاسكندرية

السلام عليكم و رحمه الله وبركاته

انا كنت عاوزه اقول كذا حاجه

الواحد حس بقيمه اصحابه يمكن عشان انا بعيده عنهم بس بجد وحشونى اوى مع ان ممكن ابقى جانبهم و مانتقبلش بس ببأه حساه انى فى اى وقت هاحتجهم هالقيهم بس عارفين يمكن علشان احنا جنب بعض مش حاسين بقيمه بعض و مش بنعبر لهم عن حبنا فى الله و ان اد ايه هما مهمين بالنسه بالنا وكمان مش بنعمل حاجه عشان نقوى علاقتنا يلا الحمد لله

...................................

مع انى مسافره اغير جو وانا اصلا بحب السفر و بحب البحر اوى بس السنه دى حاسه بشعورغريب

...................................

هو انا عندى مشكله و هى اصلا اللى كانت مخليانى مش عاوزه أدون

ان انا مش بعرف اكتب اوى او يمكن بخاف من الكتابه مش عارفه ليه يمكن بحس ان انا مش هاعرف اوصل اللى انا عاوزاه او حد هايفمنى غلط بس انا بحاول وربنا يسهل

...................................

هو انا ليه دائما مش مركزه الاول اقعد احدد اهدافى تمام واقول خلاص انا هابدأ بجد و بعدين تعدى الايام وتفوت والاقى نفسى زى ما انا ما حققتش حاجه من اللى انا كنت محدداها لنفسى انهارده كنت بقرأ فى كتاب و لقيت المقوله ديه "ان الخطا الاكبر ان تنظم الحياه من حولك وتترك الفوضه فى قلبك"لمصطفى صادق الرفاعى

حسيت انها بتنطبق على اوى لان الواحد لو فضل مركز بره وسايب نفسه هايجى يوم و يقع ومش هايقدر يكمل بس خلاص ان شاء الله هاركز مع نفسى وادعولى

.....................................

الاحداث الاخيره من اعتقالات للاخوان والمحاكم العسكريه حاجه توجع القلب وتخلى الواحد يسأل نفسه هو بيعمل ايه فى دنيته ولاخرته و ببأه حاسه بعزه ان دول هما ابائى وقدوتى

......................................

ان شاء الله هاكتب على جنب المدونه كل يومين او ثلاثه ايه او حكمه او مقوله او شعر اثر فيا

.....................................

تخيلوا رمضان خلاص فاضل عليه اقل من شهر هل انا استعديت لرمضان وعديت له العده ولا لسه مش حاسه اصلا انه قرب
اللهم بلغنا رمضان واجعلنا نحسن العمل فيه وتقبله منا و اخرجنا منه مغفور ذنوبنا

......................................

ايطاليانووو

الفلاش ده عمله واحد ايطالى بيقارن بين بلده

وبين الاتحاد الاوروبى

فماذا نقول نحن عن مصربلدنا وكيف هى

احوالها وكيف ستكون لو وضعت فى مقارنة!!!!

-----------
حاجة مهمة

هيه مهمة ومش مهمة
عارفنها ومش واخدين بالكم منها

فزورة

ببساطة يا جماعة
احنا اتنين بندون هنا فى المدونة

ملك

آن الأوان

عشان دائما بنخاطب بلغة المفرد
مع اننا اتنين يا شباب

سلااااااااااااااااام

انت مميز وأزكى مما تتوقع

السلام عليكم ورحمه الله

عذراً احبتى على التأخير ولكن الشبكة عندنا بالبيت كانت بها مشاكل

انت مميز وازكى مما تتوقع

احبتى

ألم يخلقنا الله عز وجل وهو الذى ابدع كل شيئ خلقة؟

أم يُعلم الله أدم الاسماء كلها؟

ألست انت من نسل أدم؟

ألم يمنحك الله عقل تفكر به وتدرك به الامور؟

ومنحك أيضا عوامل تساعدك على تحقيق ما تفكر بة من إمكانيات وقدرات

ألم ينبت من نسل آدم الانبياء والرسل عليهم السلام والصديقين والشهداء والعلماء

وألست انت من نسل آدم

الم ينعم الله عليك نعمتين عظيمتين وهما الصحة والفراغ

إذا فكيف تقول عن شيئ انك لا تستطيع فعلة

احبتى في الله

فلنفكر قليلا يما حبانا الله به من نعم وقدرات وإمكانيات

فلنبحث عنها

ولنكتشفها

ولا تنتظر الآخرين يكتشفوها لك

لانهم لن يكتشفوها

بادر انت اليها وابحث عن بذور الموهبة بداخلك وقم بتنميتها لتنبت لها الجذور واسقها لتتفرع منها الأغصان

ولتعلم

كلما عرفت قدرتك زادت انجازاتك

وعليك ان تختار إما ان تكون ناجحا تضيف الى العالم الجديد واما ان تكون عالة علية

ومن المؤكد ليس هناك منا من يريد ان يكون عالة على مجتمعه وما يقوم به هو ان يشجب ويستنكر دون ان يغير

ولا تقول هناك عوائق

اذا فما حال من قبلنا كانوا يواجهون العوائق التى قد تحول بينهم وبين طريق النجاح

ولكنهم أبوا!!!!

أبوا ان يكونوا مثلهم كمثل بقية المخلوقات لانهم يعملوا جيدا ان الله منحهم ما يميزهم عنها ألا وهو العقل

فهل نأبى نحن ايضا ام نكن ضعفاء ويصيبنا الوهن

ولكن لابد ان تعرف جيدا انه مهما وصلت درجة زكاءك ومهما كانت لديك من قدرات

فلا سبيل للوصول للنجاح على الصعيدين الدنيا والاخرة

الا بالصبر والعزيمة والاهم حسن عبادة الله

فعبادة الله طريق النجاح فى الدنيا والاخرة

اذا فعلينا بالتوبة فهى طريق العابدين الطائعين الناجحين

واعلم انك ان انتصرت على نفسك فهذا هو الانتصار الحقيقى

عندها ستأبى ان تترك تلك الحياة دون بصمة منك تفيد بها الاسلام والمسلمين بل العالم اجمع

وليس بمستحيل او بصعب

بل بطاعة الله والصبر والمحاولة

الى ان تصل الى ما تريد

اذا فانا من الآن مبدع مفكر

افكر فى الارتقاء بنفسى وحالى وحال المسلمين بالعمل والجد والصبر

فأينما تجد المؤمن تجد معه مقومات النجاح

احبتى في الله كل ما علينا فعلة

1 - اولا ان نستحضر النية لماذا اقرأ هذا المقال وماذا اريد

2-ان نواظب على الاستغفار والتوبة فهم دأب الصالحين

3-أحضر ورقة وقلم وخذ نفساً عميقا وانت من داخلك مقتنع انت ستنجز وستتحول حياتك الى حياة مسلم كل ما يريدة عمل شيئ لرفعة الاسلام والمسلمين الى ان يتوفاة الله اما قد انجز بالفعل عمل للاسلام او كان يحيا لمحاولة قد تُنبت انجازاُ

وفى كلتا الحالتين فانا شهيد بإذن الله

واكتب فيها انا ناجح ومميز وزكى

14

مرة لمدة 21 يوم

واتمنى ان اكون قد اضفت جديد وان نتفاعل مع بعضنا البعض

وان نستفيد جميعا

وانتظرونا ان شاء الله مع المرحلة الثانيه

وهم يحسبون انهم يحسنون صنعا

اثناء حديثى مع صديقاتى حولت أحدانا دفة الحوار لأجدنا عن التوبة نتحدث

وذكرت احداهن آيه من الايات وهى

"وبدا لهم من الله ما لم يكونوا يحتسبون"

الزمر 47

كم قرأنا هذه الايه ومررنا عليها من دون ان نقدرها حق قدرها أو نسأل أنفسنا هل نحن ممن سوف تنطبق عليهم هذه الايه

وبعدها اتبعت صديقتى بايه اخرى وهى

"قل هل ننبئكم بالاخسرين اعمالا *الذين ضل سعيهم فى الحياه الدنيا وهم يحسبون انهم يحسنون صنعا

104" الكهف

يا ربنا احيانا نحسب انفسنا ممن يحسنون صنعا

رغم ذنوبنا

و احيانا يغرنا ما اعطيتنا من فضل ان نعمل لدينك

واحيانا تغرنا رحمتك و نعيش بالتمنى لا بالعمل الجاد

ربما نجد انفسنا -كعاملين فى الدعوه- من اكثر الناس التى ممكن ان تصيبها المشكله ديه تحت مسمى ان احنا اصحاب فكره و عايشنلها وان احنا احسن الوحشين وبنرضه بكده احيانا مع ان لو افتكرنا نعمه و اصطفاء ربنا علينا اللى وصلنا للمكان ده هانحس ان احنا من المفروض نكون اكثر الناس عطاءا
بعدما شعرت بهذه الايه وجدت ان الطريق الوحيد امامى

هو التوبه
هو العوده
العودة الصادقة والجادة

ان نعود الى الله اصلاحا بعدما عدنا اليه اعتذارا

وان نعود الى الله وفاء كما عدنا اليه عهدا

وان نعود الى الله حالا كما عدنا اليه اجابه

هذا ما شعرت به او ما استطعت ان انقله لكم ومن شعر بخاطره حول الايات فلينفعنا بها

مستقبلى بين اليأس وبين ورق وعزيمة

السلام عليكم ورحمة الله وبركاته

بات اليأس مقترن بكثير من الشباب

فاصبح لسان حالهم يقول ليس هناك فائدة

واصبح كل ما يتمناة شغل فى اى شركة وانه يتزوج وينجب ويعيش حياتة بالطول والعرض

واصبحت كلمة هدف كلمة كبيرة من الصعب تحقيقها عملياً

ولكن هل حاولنا أكثر من مرة حتى نكون قد يأسنا حقا

وان حاولنا فهل لاقت تلك المحاولة تنظيم حتى تُحقق

إذا فهنا تبدأ المشكل

كيف احدد ماذا اريد؟

وكيف احاول وتكون محاولتى محاوله ناجحه؟

وكيف احدد اهدافى؟

وكيف اكون عنصرا فعالاً فى مجتمعى؟

وان كنت لا اعلم ماذا اريد ان احقق فكيف احدد المجالات التى تناسب قدراتى وامكانياتى؟

كل هذة الاسئلة سنجاوب عنها هنا بإذن الله

ولكن على اكثر من مرحلة

المرحلة الاولى

انت مميز وأذكى مما تتوقع

المرحلة الثانيه

هدف صغير

المرحلة الثالثة

كيف تكتشف قدراتك وامكانياتك

المرحلة الرابعة

مفهوم الهدف متعدد الأبعاد

المرحلة الخامسة

ورقة وقلم

المرحلة السادسة

ذو قيمة

ولكن اتمنى ان نطبق سويا

لان التطبيق من أساسيات التفاعل

وانتظرونى ان شاء الله مع المرحلة الاولى

انت مميز وأذكى مما تتوقع

من هنا نبدأ

السلام عليكم ورحمه الله وبركاته

اصبح عالم التدوين عالم مفتوح

يعبر بة كلاً منا عما بداخلة

وعن آرائة التى سيظل متمسك بها

تتواصل الافكار والآراء

نختلف ولكن ليس لمجرد الاختلاف بل نختلف لنرتقى

من ذلك المنطلق نبدأ

آن الاوان

آن الاوان ان افق من سباتى

آن الاوان أن اتحرك

آن الاوان كى اكتب كى اعبر عما بداخلى

كى اخرج من خوفى

آن الاوان ان اعترض

واخيرا قررت ان اكتب وان ادخل عالم التدوين بعد تف

كير

طويل وهذا لصعوبة التعبير او الكتابه بشكل جيد

لذلك فستجدونى فى بدايه الطريق ينقص كتاباتى بعض من

المهارة فى التدوين ولكنى اعدكم انى سأحاول ان تكون

كتاباتى معبرة عما بداخلى فسبيلى هنا ان اتكلم ان

اعبر عن رأيى وبحرية

ملك

لم افكر فى التدوين مطلقا من قبل ولكنى وجد انة

السبيل لإصال مفاهيم مهمة قد يكون الكثير غافلاً عنها

وللتواصل مع العقول المفكرة الاخرى

كي يفيد كلا منا الاخر

وللخروج من القوقعة التى ظللت فيها كثيرا

وايماناً منى بان لا سبيل للرقى الا بالتواصل

فلنتواصل لنرتقى

ملك وآن الأوان

ملك و آن الاوان اصدقاء تقابلنا فى الجامعه من سنه

واجتازنا معا تجارب فى العمل الطلابى ومع ان شخصياتنا

مختلفه فقد قررنا عمل مدونه سويا ليكمل كلا منا

الاخر وفى هذه المدونه نعرض افكارنا تجاربنا واشياء

مررنا بها واخبار بلادنا الاسلاميه وننادى بحريتنا

وحريه كل الذين يسعون لاصلاح بلادنا وكل من ينطق

بالحق ولكن لن نكتمل وتنمو افكارنا وكتابتنا الا

بمشاركتكم